საქართველოს პრემიერ მინისტრმა მამუკა ბახტაძემ თანამდებობა დატოვა. განცხადება ამის შესახებ მან ფეისბუქზე გაავრცელა.

„ჩემთვის იყო დიდი პატივი და, ამავდროულად, დიდი პასუხისმგებლობა, მემსახურა საქართველოს პრემიერ-მინისტრის რანგში ჩვენი ქვეყნის ინტერესების დასაცავად.

მე ვიყავი და ვიქნები „ქართული ოცნების" გუნდის წევრი და ჩვენი ქვეყნის ერთგული ჯარისკაცი. მსურს, მადლობა გადავუხადო ჩემს წინამორბედებს და წარმატება ვუსურვო მომავალ პრემიერ-მინისტრს", - წერს ბახტაძე ფეისბუქზე.

ახალი პრემიერ მინისტრის ვინაობა კი ხვალ გახდება ცნობილი. გავრცელებული ინფორმცაიით, ახალი პრემიერი შინაგან საქმეთა მინისტრი გიორგი გახარია იქნება.