6 წლის ნია გოგუა, რომელიც ქრონიკული ეფშტეინბარის დიაგნოზით თურქეთში სამკურნალოდ ერთი თვის წინ წაიყვანეს, იქ ერთ-ერთ კლინიკაში გარდაიცვალა. ინფორმაციას „პრაიმტაიმს" ფონდ „სიკეთის კვალის დამფუძნებელი" თეა ესიტაშვილი უდასტურებს.

მისი თქმით, ინფექციამ ყველა ორგანო ჩაითრია და ბავშვის ორგანიზმმა ვეღარ გაუძლო.

ნია გოგუას მძიმე დიაგნოზი დაახლოებით 2 წლის წინ საქართველოში დაუსვეს. მანამდე მედიკოსები ფიქრობდნენ, რომ ბავშვს სიმსივნე ჰქონდა.

საქართველოში ამ ხნის განმავლობაში, ნიას დასახმარებლად, საქველმოქმედო კამპანია მიმდინარეობდა, რომელშიც „პრაიმტაიმიც" იყო ჩართული.

„პრაიმტაიმი" უსამძიმრებს დაღუპული გოგონას ოჯახს.

წყარო: პრაიმტაიმი