ტელეკომპანია „რუსთავი2“-ის ახალმა გენერალურმა დირექტორმა პაატა სალიამ ჟურნალისტების გათავისუფლების შესახებ განაცხადა, მათ შორის გიორგი გაბუნიასი, რომელმაც პირდაპირ ეთერში შეურაცხყოფა მიაყენა ვლადიმერ პუტინს.

ასე ეხმაურება რუსული პროსახელისუფლებო სააგენტო РИА Новости. 

შეგახსენებთ, რომ ჟურნალისტ გიორგი გაბუნიას ირგვლივ დატრიალებული სკანდალის შემდეგ, ის 2 თვით დაითხოვეს სამსახურიდან. დღეს პაატა სალიამ განაცხადა, რომ „რუსთავი2“-დან ათავისუფლებს საინფორმაციო სამსახურის უფროსს ნოდარ მელაძეს და კიდევ იმ ჟურნალისტებს, რომლებიც ამჟამად შვებულებაში იმყოფებიან.

მოგვიანებით, ტელეწამყვანმა ნანუკა ჟორჟოლიანმა თქვა, რომ სამსახურიდან ისიც გაათავისუფლეს და გიორგი გაბუნიაც.