სასწრაფოდ: შავი ზღვის სანაპიროზე ძლიერი შტორმია მოსალოდნელი

გარემოს ეროვნული სააგენტოს ცნობით, 26 ივლისის დილამდე დასავლეთ საქართველოში მოსალოდნელია წვიმა ელჭექით.

ჩრდილო-მთიან რაიონებში სინოპტიკოსები ძლიერ წვიმასა და ქარის გაძლიერებას პროგნოზირებენ.

უწყების ცნობითვე, ზღვაზე მოსალოდნელია 4-5 ბალიანი შტორმული ღელვა.

„მოსალოდნელმა ძლიერმა ნალექებმა შესაძლებელია, პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აცხადებენ გარემოს ეროვნულ სააგენტოში.