SIAXLEEBI.GE - სიახლეები.გე

 
Loading...

„ რუსთავი 2 შემი საკუთრებაა ” - ირაკლი ოქრუაშვილი

Loading...
„ რუსთავი 2 შემი საკუთრებაა ” - ირაკლი ოქრუაშვილი

"რუსთავი2" ჩემი საკუთრებაა, ვაპირებ 80% გადავუფორმო 10 მებრძოლ ჟურნალისტს და ისინი იდავებენ ხალვაშთან - ამის შესახებ განცხადებას თავდაცვის ყოდილი მინისტრი ირაკლი ოქრუაშვილი აკეთებს.

მან "რუსთავი2"- ის ახალ მფლობელ, ქიბარ ხალვაშთან დაწყებულ სამართლებრივ დავაზე ისაუბრა. ოქრუაშვილის თქმით, დავას ის ტექნიკურად ვერ იწყებდა იქამდე, ვიდრე კომპანია ხალვაშს არ გადაეცემოდა.

კარგად მესმის რამხელა მნიშვნელობა აქვს „რუსთავი2"-ის იმ ფორმატით არსებობას, როგორითაც არსებობდა დღემდე. იმის შენარჩუნება, რომ ქვეყანაში იყოს თავისუფალი გარემო და ქვეყანაში ისმოდეს თავისუფალი სიტყვა. მაგრამ იმის გამო, რომ ძალიან ბევრს შეიძლება კითხვა უჩნდებოდეს, მე ვაპირებ ძალიან მარტივი რამის გაკეთებას. ვაპირებ, რომ ჩემი მოთხოვნის და რაზეც ვდავობ, ჩემი მოთხოვნის 80% გადავცე ათამდე დამოუკიდებელ მებრძოლ ჟურნალისტს სრულიად უსასყიდლოდ და მათ გააგრძელონ დავა ხალვაშთან, ამ შემთხვევაში ხალვაშთან, თორემ ივანიშვილი დგას ამ ყველაფრის უკან რეალურად, იმისთვის რომ "რუსთავი2" არ წაიღოს ივანიშვილმა და საქართველო არ დაემსგავსოს ჩრდილო კორეას.

ამაღამ ჩამოვდივარ და ხვალ უკვე ვაპირებ ამ ჟურნალისტებთან შეხვედრას, მონახაზი მაქვს ვის შეიძლება ვესაუბრო ამ თემაზე, შევთავაზებ ჩემს პირობებს. მათი მხრიდან მზაობის შემთხვევაში მათ გადავუფორმებ ამ ყველაფერს დაახლოებით 80%," - ამბობს ოქრუაშვილი.

მისი თქმით, ქიბარ ხალვაშს აქვს მისი ვალი უკვე დიდი ხანია, დავა მიმდინარეობს ფინანსურ ნაწილზე, თუმცა ქიბარ ხალვაში დოკუმენტს აცხადებს ყალბად და არ ცხადდება სამხარაულში, რომ დადგინდეს დოკუმენტზე ხელმოწერის ნამდვილობა.

ირაკლი ოქრუაშვილი ამბობს, რომ ქიბარ ხალვაში ვერ შეძლებს ამ დოკუმენტის ყალბად გამოცხადებას. მისი თქმით, ეს დავა აუცილებლად დასრულდება მის სასარგებლოდ და იმ ჟურნალისტების სასარგებლოდ ვისთვისაც აპირებს ამ წილის გადაცემას. ამგვარი ხელშეკრულების არსებობას კი ხალვაშის ადვოკატი და "რუსთავი2"-ის ახალი დირექტორი გამორიცხავს და მას ყალბს უწოდებს.

 

571 /

19 ივლისი 2019

Loading...

სხვა სიახლეები:

 
Loading...

კომენტარები

Loading...