ჭავჭავაძის გამზირზე, სადაც შრომითი უფლებების დაცვის მოთხოვნით აქცია მიმდინარეობს, სამართალდამცველებმა რამდენიმე ადამიანი დააკავეს.

არსებული ინფორმაციით, დაკავებულია რამდენიმე ადამიანი, მათ შორის, არიან „თეთრი ხმაურის“ წევრი დავით სუბელიანი და კონსტიტუციონალისტი ვახუშტი მენაბდე. 

აქციაზე ვითარება მას შემდეგ დაიძაბა, რაც დემონსტრანტებმა გზის მეორე ნაწილის გადაკეტვაც სცადეს, რისი უფლებაც სამართალდამცველებმა არ მისცეს. 

აქციის მონაწილეებმა იმ შენობის ფასადი დააზიანეს, სადაც გუშინ სამშენებლო სამუშაოებისას მიწის ჩამოშლას ორი მუშა ემსხვერპლა.

აქციაზე მივიდა სახალხო დამცველი ნინო ლომჯარია.  ადგილზე იმყოფებიან არასამთავრობო ორგანიზაციების წარმომადგენლები, ასევე საქართველოს იუსტიციის საბჭოს არამოსამართლე წევრი ანა დოლიძე.

ამ დროისთვის, ჭავჭავაძის გამზირზე მოძრაობა შეზღუდულია.

აქციის მონაწილეები ადგილზე საქართველოს პრემიერ-მინისტრის, ეკონომიკის მინისტრის და ჯანდაცვის მინისტრის აქციაზე მისვლას ითხოვენ. თუმცა, ამ დრომდე აქციის მონაწილეებთან ხელისუფლების არცერთი წარმომადგენელი არ მისულა.

წყარო: 2020news