ასტროლოგი მიხეილ ცაგარელი ფიქრობს, რომ ქვეყნის ფაქტობრივ მმართველს, ბიძინა ივანიშვილს ფენშუის სპეციალისტმა ურჩია ასწლოვანი ხეების გადარგვა საკუთარი საცხოვრებელი სახლის სიახლოვეს.

"2020NEWS“-თან საუბარში ცაგარელმა აღნიშნა, რომ ხეების გადარგვით მან ხანგრძლივი ცხოვრების დიდი ენერგომასალა შეიძინა.

"ხანდახან ვფიქრობ, რომ მას ჰყავს დამხმარე ფენშუის სპეციალისტი, მაგრამ ხანდახან ვფიქრობ, რომ ეს ასე არ არის და აი რატომ - როდესაც მან დაიწყო ხეების გადმორგვა, ამას ის თავისით ვერ გადაწყვეტდა. ვიღაც ფენშუის სპეციალისტმა უკარნახა ასე მოქცევა. ხის ენერგია და ძალა საცხოვრებლის სიახლოვეს, აძლევს მას დიდ პოზიტიურ ენერგიას და მათ შორის ხანგრძლივი ცხოვრების საკმაოდ დიდ ენერგომასალას. როდესაც ივანიშვილმა გადმორგო გარკვეული ხეები, მათ სჭირდებოდა "გამაძლიერებელი“, როგორიც არის თეთრი მაგნოლია. მან ეს გააკეთა. დენდროლოგიურ პარკში გადარგო თეთრი მაგნოლიაც. აქედან გამოვიტანე დაკვნა, რომ  მასთან ვიღაც სპეციალისტი მუშაობდა, რადგან უბრალო ადამიანმა ასეთი დეტალები არ იცის. მაგრამ, რაც ივანიშვილმა გააკეთა ბოლო ორი წლის განმავლობაში, მაფიქრებინებს, რომ ფენშუის სპეციალისტი არ ჰყავს, ან თუ ჰყავს დაბალი კვალიფიკაცისაა, იმიტომ რომ ბოლო ორი წელიწადი არის მიწის სტიქიის და როცა მიწის სტიქიის წელიწადია, იკრძალება ყველა სახის ხის გადარგვა. ივანიშვილმა ისევ გადმორგო ხე შარშანაც და წელსაც, ამიტომ გადაეყარა პრობლემებს. მათ შორის საარჩევნო კუთხით, აერია სიტუაცია საკუთარ პარტიაში და კიდევ ექნება პრობლემები", - განაცხადა ცაგარელმა "2020NEWS"-თან საუბარში. 

ცაგარელმა ზუსტად არ იცის, რამდენ წელს იცოცხლებს ბიძინა ივანიშვილი, თუმცა აცხადებს, რომ ხანგრძლივი ცხოვრების შანსი აქვს, მხოლოდ იმ შემთხვევაში, თუ შეცდომებს არ დაუშვებს.

წყარო: 2020news.ge