მეუბნებოდა, მოჩვენებები მაქვს, სულები მეჩურჩულებიანო, ვიღაცების მოკვლა უნდოდა, არ მასვენებენ, მითვალთვალებენო, – ამის შესახებ გაზეთ “კვირის პალიტრასთან” ინტერვიუში რუსთავში 13 წლის ძმისშვილის, გოგიტა ირემაძის მკვლელობის ბრალდებით დაკავებული ვალერი ირემაძის მეგობარი, დავით ქობულაძე საუბრობს.
დაჩეხილი ბავშვი პირველად ვალერი ირემაძის მეგობარმა, დავით ქობულაძემ ნახა.
“სასტიკად დასახიჩრებული სისხლში ცურავდა. აბაზანაში ჩაუწვენია…წაიყვანეს საავადმყოფოში, მაგრამ უკვე გარდაცვლილი იყო… გოგიტას მშობლები დაშორებულები არიან. ბავშვი ბაბუასა და ბიძასთან იზრდებოდა. მამა საზღვარგარეთ იყო სამუშაოდ წასული. ბიძამისს ძალიან უყვარდა და სულ ზრუნავდა მასზე. სკოლაში დაჰყავდა, უვლიდა. ის ავად იყო. ეს საშინელება ამიტომ დატრიალდა…ძალიან არეული იყო. მეუბნებოდა, მოჩვენებები მაქვს, სულები მეჩურჩულებიანო. ვიღაცების მოკვლა უნდოდა, არ მასვენებენ, მითვალთვალებენო”, – აცხადებს დავით ქობულაძე.