"თიბისი ბანკის" გარშემო განვითარებულ მოვლენებს ტელეწამყვანი ნანუკა ჟორჟოლიანი ეხმაურება და ბიძინა ივანიშვილს "გაკოტრებას უსურვებს".

"ბატონო ბიძინა, თქვენ მიზანმიმართულად ახევთ სახეს ქვეყანას. პირად წყენებს და პირად ინტერესებს შეგიძლიათ შესწიროთ ქვეყნის საუკეთესო ბანკის რეპუტაცია, იმიჯი. აკოტრებთ ყველაფერს, რასაც ვერ აკონტროლებთ და აბანძებთ ყველას.

იმედი მაქვს, მამუკა ხაზარაძე ბოლომდე დაიცავს მის რეპუტაციას და ბანკს, რომელიც წლების განმავლობაში რუდუნებით აშენა და არ გახდება თქვენი მონა!

ბატონო ბიძინა, გაკოტრებას გისურვებთ, რომ ქვეყნით და ადამიანებით სახლობანა აღარ ითამაშოთ!" - წერს ნანუკა ჟორჟოლიანი ფეისბუქზე.