გარეჯი სააკაშვილმა „სოკარს“ მიჰყიდა, - ასეთი განცხადება გააკეთა ირაკლი კაკაბაძემ „ტვ პირველის“ ეთერში საუბრისას.

„გარეჯი გაყიდულია, ფულია აღებული და სოკარის ფულებით ცხოვრობს დღეს ნახევარი საქართველო. პირდაპირ გეტვით, გარეჯი სააკაშვილმა სოკარს მიჰყიდა და ფული აიღო არაბი შეიხებისგან და სოკარისგან. აზერბაიჯანი ყიზილბაშებს მიჰყიდა, საქართველომ და ყიზილბაშებმა რაც ვერ შეძლეს ისტორიის მანძილზე, სააკაშვილმა, თურქების მონამ, თურქეთის იმპერიის მონამ და რუსების აგენტმა შეძლო.

დავით გარეჯი არის ოკუპირებული, ამას დავით ქაცარავაც ამბობს, ამას ამბობენ ისტორიკოსები. ოკუპირებულია გარეჯი და თუ ქართველი ნამდვილად ქართველია, მან უნდა თქვას, ეს ერთი, მეორე - არ უნდა შეგვეშინდეს ჩვენ, რომ  ვთქვათ. საქართველო უნდა გამოვიდეს, როგორც მშვიდობის ინიციატორი დღევანდელ პროცესში“,- განაცხადა ირაკლი კაკაბაძემ.